أنا عارفك
بقلمي الشاعر محمد عبد العزيز رمضان
أنا عارفك ومش عارف
وخايف أيوه تنسيني
حبيتك ومش هنكر
خلاص الهجر بيعلم
ومش ممكن تحبيني
رسمتك نجمه في عيوني
وضاع حلمي وبعتيني
ياغنوه كتبتها بروحي
يا روح الروح قتلتيني
وتاهت خطوتي مني
يادنيا ليه تعانديني
أنا عارفك ومش عارف
لقيت الحب مش موجود
هتندم بكرا من ظلمك
وبنَّا خلاص طريق مسدود
هدمت الحب جوايا
ومهما تقول مالكش وجود
كدبت كتير وصدقتك
وكدبك عندي مالو حدود
أنا عارفك ومش عارف
ومش لاقي لنفسي جواب
هقولها بجد مش خايف
كلامك كله لوم وعتاب
قفلت ما بنَّا وأنا شايف
قفلت ما بنَّا مليون باب
ليست هناك تعليقات:
إرسال تعليق