ابن الشهيد
يا ماما يا أمي
نعم يا نور عيني وحبيبي
قولي لي يا أمي
غايب ليه عن عيني
أصله كتير وحشني
ونفسي أشوفه يا أمي
يمكن زعلان مني
أو مش عاوز يشوفني
لا لا يا بني
أبوك كان بيحبك
وعمره ما زعل منك
وكل خير اتمناه لك
وديما بيفكر فيك
ويسأل عنك
طب امته حشوفه يا أمي
أصلي بفكر فيه تملي
وصورته ديما قدامي
نفسي أكون في حضنه
يطبطب عليه
وأبوس إيديه
وعمري تاني ما حأزعله
وحكون عند ظنه
مالك يا أمي
ليه بتبكي
خلتيني أبكي
لا لا يا ابني
أنا مش بأبكي
كلامك يمكن فكرني
بغلاوة أبوك عندي
لا يأمي
فيه حاجة بتخبيها عني
أنا فهمت دلوقتي
أبويا سافر وسابني
بقيت لوحدي
إنكسر قلبي
وحزين بدمعي
لا يا غالي يابني
أبوك عمره ماسابك
ولا باعك
و عمره ما فكر يبعد عنك
أبوك كان بيحبك
يا بني أبوك
كان بيخدم وطنه
وعمره ما خلف وعده
وكان بيدافع عن أرضه
مات وراسه مرفوعه
وكلنا بنفتخر به
أبوك ربنا اختاره
يستشهد في سبيله
وهو لبى نداه
ومات فداه
شهيد لله
وشهيد لوطنه
الله عليه
وإحنا معاه
في جنه ربه
بإذن الله
بقلمي محمد السيد السعيد يقطين . مصر
ليست هناك تعليقات:
إرسال تعليق