يا عمّ جاهين بقلم أحمد شاهين
يا عمّ جاهين
يا أسِّرِ م القلوب
ملايين
تضيف للمعنى
مِيتّ صوره
عقول وبجّد مبهوره
بِتقرالّك كتير دواوين
يا عّم جاهين
يا ساكِن فى حنايا الروح
وقلبّك دا كِتاب مفتوح
على بُساطك نيِجى
ونروح
ونتأمِل ليوم الدين
يا عّم جاهين
رُباعيه تساوى ديوان
وأُغنيه تزيل أحزان
وليله كبيره يا فنان
لأشعارك كتير عاشقين
يا عّم جاهين
فى حُب مصر القّلم
يكتِب كتير ويعيد
ومهما زاد الألم
القلب يبقى سعيد
شاعر وطول عُمرك
بتشِد أحلامك
من غير ما توصل
لها تلاقيها أُدامك
للخير وأهل الخير
واقفه
أقدّامك
وعمرك ما تعرف
فى يوم تخلِف
المواعيد
لو حتى كُنت فين
يا عمّ جاهين
كتبّ القلّم أشعار
ترّجِم كتير أفكار
مشانِى بالمشوار
زرّع الكلام فدادين
ولا عمرى يوم أنساك
(أستاذ) وأنا بهواك
فى الشعِر يا محلاك
تِجمع قلوب ملايين
وألف رحمه ونور
عليك يا عمّ جاهين
عليك
يا عمّ
جاهين
كلمات. أحمدشاهين
ليست هناك تعليقات:
إرسال تعليق