(مواويل مصرية)
شعر/ احمد عبد الرازق الزعويلي
مصر يامه يا بهية
تعبت من قول المواويل
بعت الجزمة والجلابية
ورهنت اللاسه والجلابيه
شربت بيهم سجارتين
واه يا بلدي يا بهية
عقولك والعلما راحوا فين
اشتري اخواتك تراثك
وعينهم علي الساحل والجزيرتين
خدوا الآثار يعرضوها
وعربنوا علي مطارين
حتي المستشفيات اشتروها
بشوية سمسمرة ودولارين
اه يا كبدي يامه
عيان اتعالج فين اه والصرخة فيا
مكتومة والعقل فين
اللي عمله طلعت حرب
ضيعه بجهله غراب البين
اه يا بلدي فين تعليمك
علمت عشاشتاشر دولة ومملكتين
طمر في كام دولة منهم
ومطمرش في ممالك الطماعين
اه يا دولر نفسي تزورني
احط علي دماغك عملتي
وارنك جزمتين
ضيعت ثرواتنا وكرامتنا
فاكر يا نتن الجنيه ابو جملين
يا صرخة الم خدنا القلم
وقولنا جبنا جون
جيرانا فينا شامتانين
علمنا الدنيا كان لينا حضارة
باعها الدكر في صفقتين
ضحكوا علينا العدا
فرحوا فينا السكرانين
بحبك يا بلدي وروحي ف ايدك
مخنوق من فقري وابني شهيدك
بهتف واغني وافرح تملي
برغيف عيش وكدبتين
بحبك يا بلدي وشوقي قاتلني
اشوفك ف السما جار النجمتين
بحبك ونجومك وسيفك ألمني
وأهرب منك اروح علي فين
ما انت الام والحنان والدفا
وانت المر والذل والانين
مصر يامه يا بهيه
فوقي وخدانا علي فين
احمد عبد الرازق الزعويلي
عضو رابطة الشعراء والكتاب بمصر وعضو الاتحاد الدولي للأدباء والشعراء العرب رقم ٤٧٣
عضو المؤسسة المصرية الدولية لحقوق الانسان
ليست هناك تعليقات:
إرسال تعليق