( كِتروا مجانينك)
يا ليلى كِتروا مجانينك
يومياتي يزيد مُحبّينك
وناس تحلم تقرّبلك
عليهم ربنا يعينك
لقلبِك بس مش أكتر
لكنّي لوحدي أنا هفضل
علَم مرسوم على جبينك
يا ليلى كِتروا مجانينك
يا ليلى كِتروا حُسّادك
عشان مازلتي بعنادك
ومش قادرين في يوم ينسوا
ولا قادرين على بعادك
ف ده يبعت كذا رسالة
و ده حالتُه بَقت حالة
رسايل العشق شغّالة
وعقلك لسة بيزينك
يا ليلى كِتروا مجانينك
يا ليلى العيب ماهوش فيكي
لَكن العيب أكيد فيهم
عشان يوم حِلموا بعنيكي
وعايزين كلمة ترضيهم
أكيد دول خلق مجنونة
بهمس عينيكي مفتونة
يا درة ما زلتي مكنونة
وفين همّا بقى وفينك
يا ليلى كِتروا مجانينك
بقلمي عبدالحميد وهبه
ليست هناك تعليقات:
إرسال تعليق