خلاص ما ينفعش
اللي باع وضحى بحبي
وكتب بأديه الفراق
واللي متخيل اني بعده
هيكون مصيري الأنتهاء
وقلبي ساكنه الداء
بكره يدور جوه نفسه
للحظة كان فيها اشتياق
ينسى انه يلقى حد زيي
وبكره يضيق بيه الخناق
واللي يستنى الأماني
من قلب يوم انكسر
زي اللي مستني الطرح
من نخله في الأصل دكر
فاكر ان بمزاجه يحبني
حبه
وحبه تاني ينوي الفراق
ماخلاص فات الأوان
بكره يفهم انه الخسران
وان رجع في يوم ندمان
وباين في عيونه الدموع
ينسى اني في يوم ارجعله
لو قادلي كل صوابعه شموع
هسكت واديلو ضهري
هو ده خلاصة الموضوع
والقلب اللي يفكر يبعني
عمري ما فيوم اشتريه
والقلب اللي كان شايله
جواه حب وحنين
راح من خيالي حتى وصفه
و كل تفصيله كانت ليه
واللي ضحى في يوم بحبي
واتسبب في جرح قلبي
مايستاهلش ابقى معاه
دا قلبي وعدني ينسى اسمه
وكل ذكرى كت وياه
خلاص
مش فارق
مش هلومك
انت اختيارك تفارق
وانا قلبي ما بيخسرش
ضيعته من بين ايديك
واللي بيضيع مابيرجعش
هاني غريب
ليست هناك تعليقات:
إرسال تعليق