فاسدون
دولة عمى أمين
جزء سادس
عمى أمين قال ياهنيه
الفرافير مالها مالهيه
ولا بتشارك ولا بتهلل
ولا بتصور ولا بتنادى
كانوا زمان دايما بيغنوا
كانوا بيحكوا دايما عني
حتى الواد إللي جبناه
يمشى ورايا وعلمناه
إزاى يهتف واسع يابني
عمي أمين جاي من بدري
عالم والعلماء عرفينوا
ناصر دينه ناصر دينه
قرب عندي كده وإدعيله
أتاريه ساقط إملا ياهنيه
بدل العالم خلاني عالمه
دا أسمه كلام يا هانيه يا هبله
جيبالي واحد ساقط إملا
روحنا وراحة أيام حلوه
عمى أمين شمسه بتتغرب
كل الفرافير مني بتتهرب
كبرت فرافرنا ياهنيه
عملوا دوله تانيه ياهبله
ودا ياحببتي حال الدنيا
شعر
على ابو السعود
ليست هناك تعليقات:
إرسال تعليق