( غلطه ياقلبي ).
غلطه ياقلبي وأعمِل ايه
ليه دي الوقتي بتبكي عليه
وعمال تشكي غرامك ليه
وتنسي اوهامك ويآ خيالك
وياما حذرتك.واترجيتك
وانت تقول مليش أنا غيرك
سنين بتحبه.ودايب فيه
وتقول غالي بعمري شاريه
وان زعلني مقدرشي انساه
هو حبيبي.اللي بتمناه
وبعد ماقلبي إتعلق بيه
اسأل مين.يطمني عليه
كنت في حالي مرتاح بالي
ولمين اشكي م اللي جرالي
مش ده حبيبك.اللي وفيتله
ودايماً اقولك تعالي نقوله
عن احساسك لما قابلته
وتقول طيفه.ياما أنا شوفته
كنت تقوللي.كفايه صورته
وبكره غرامي يروح يوصفله
عن اشواقي وغرامي وحبُه
واللي انا حاسه اكيد هيحسُه
طب دى الوقتي.. ايه اخبارك
وهتعمل ايه.في اللي جرالك
ومين يرحمني ويرحم حالك
لما حبيبك.اختار جارك
وسنين عمره هيبقي قصادك
وتشوف غيرك مع احبابك
غلطه ياقلبي.ودا كان ذنبك
كنت تقوله...إني بحبك
اوعي تلومه لو يوم قابلك
ماانت مابوحت.يوم بغرامك
يبقي ازاي .هتكره جارك
وانت ياقلبي. ليه تعذبني
ليه بتقول حبيبك سابني
كفايه عليا اشوفه متهني
ولما يفرح. هيفرحني
قدر مكتوب.علينا ياقلبي
سنين بنحبه وكنا نخبي
عمري مااطاوعك لو حبيت تاني
وكفايه صورته بين احضاني
هتصبرني علي بعده وفراقه
واشوفه متهني. ويآ أحبابه.
خواطر ( اشرف الدغيدي )
حقوق الملكيه محفوظه
ليست هناك تعليقات:
إرسال تعليق