(كدابة)
حبيبتى ليه كدابة كدا
تقول وتحلف
توعد وتخلف
وتجيب على دا
من ده ودا
حبيبتى ليه كدابة كدا
بتشمت فيا ده ودا
كدابة حبيبتي كدابة
كدابة الكلمة اللى تقولها
كدابة الدمعة اللى ف عينها
لو أقدر بس على فراقها
كنت ابعد علطول ولا أجيلها
كدابة حبيبتي كدابة
كدابة حبيبتي ومغرورة
م الصبح تصاحب مرايتها
تلبس وتنزل قصتها
عيزالها ياناس ألفين صورة
كدابة حبيبتي كدابة
كدابة حبيبتي ومعذورة
جميلة ياناس اوى أمورة
وتشوفها ماشية بتتغندر
أجدع من أيها سنيورة
بقلمي :احمد عيسى
ليست هناك تعليقات:
إرسال تعليق