عالهوارة
..................................
عالهوارة الهوارة
شوف الدنيا وأسرارا
ناس بتخلق وسط النور
وناس بظلمة لمغارة
...............
واحد عندو مال كتير
ورتان وعايش امير
فارد إيدو كتير كتير
وعم يبعثر بعثرة
...............
وواحد كحيان وفقير
بالقلة من هوه صغير
ما عندو جناحات يطير
وعايش عيشة معترة
...............
عالهوارة الهوارة
شوف الدنيا وأسرارا
ناس ما عندا رغيف الخبز
وناس بتملك طيارة
................
ناس ومالي قلبا الحقد
بتأذي غيرا ومالا عهد
صوتا عم بيرعد رعد
تقول دبابة مجنزرة
................
وناس ما عندا غير الود
قلبا صافي ومتل الشهد
الطيبة عندا مالا حد
ومتل الزهرة النوارة
.................
عالهوارة الهوارة
شوف الدنيا وأسرارا
في ناس بتبني وبتشيد
وناس بتهدم عمارة
.................
في واحد متل الشيطان
عامل زير ودونجوان
داير يغوي هالنسوان
وما بيترك حتى الجارة
..................
وواحد بطبعو إنسان
قلبو عامر بالإيمان
لا هو نذل ولا جبان
وبيحافظ عالطهارة
.................
عالهوارة الهوارة
شوف الدنيا وأسرارا
ناس بتتأمن عالروح
وناس بطبعا غدارة
.......................................
ملك محمود الأصفر
الهوارة هي حفرة يسقط بها من لا ينتبه
ليست هناك تعليقات:
إرسال تعليق