تِتر الحياه بقلم أحمد شاهين
والتِتر بيمٌر
أسماء وشخصيات
أولها فوق خالص
مات
صورته ماليا الأفيش
ودا زيه أكيد مفيش
مهما سمعت حكايات
مٌتسّلِق كل شئ
ويبان دايما برئ
ويسيب أعز ناسه
وهما فى وسط الطريق
إنسان وبألف وِش
وحياته خداع وغِش
مهزوم فى كل لِعبه
ويقولك هو كِش
هوصِف أيه ولا أيه
لما تبٌص فى عينيه
تلاقيه فجأه يغمّض
لا الكِدب يبان عليه
أكتر شخص إنتهازي
بيروح للمصلحه
ويبان إنه فولازى
ودا غاوى مطّوحه
أكتر شخص جبان
على قلبه الكل هان
يتّهرب من قرايبه
ودا أكبر ألعوبان
واللى بيصّدقه
فى بحوره يغّرقه
أصل شعاره الوحيد
الإخلاص مبدأه
والتِتر بيمٌر
عينيا مِستغربه
أسماء وشخصيات
أعرفها م الصِبا
كومبارس بقاله ياما
لكن إنسان قدير
وتشوفه بإبتسامه
ويقول إنه بِخير
نفسى اقلّب الترتيب
دا زماننا يا ناس غريب
دايما تِتر الحياه
فى أوله المحاسيب
والتِتر بيمْر
مش شايف شئ يسٌر
أرجواز وبألف لون
دايما يِخدع عيون
والشٌهد شبه المٌر
والتِتر
بيمٌر
كلمات أحمد شاهين
ليست هناك تعليقات:
إرسال تعليق