راجع.. !!
أكيد راجع ؟
أكيد..
وح اطرح من سنين عمري..
سنين حبك
ونني القلب كان بيتك
ولا عمرك ح تبقي إلاه
ولا أبدا ف يوم ح أركع
أكيد ح أرجع
أكيد زعلان من قلبي
لأني عرفت متأخر
وهمت القلب بخداعك
وطعم الوهم بيخدر
لكن بسهولة صدقني
لقيت حبك بيتبخر
وطعم الملح في دموعي
بقى احلى من السكر
كتبت حروف شعري
وأنا طايع
أكيد راجع
دموعي إللى أنت شايفها
دموع فرحة ..ماهيش أحزان
غسلت القلب أنا منك
وداب الهم فى النسيان
وقلبي...أه...
إللى كان أكبر م الدنيا
بقى صغنتوت
وصوتك مهما يندهلي
هاسد القلب ..مش سامع
أكيد راجع؟
أكيد راجع
بقلمي
حمدي البوقي
ليست هناك تعليقات:
إرسال تعليق