حكاوي
وتوته توته توته
وخلصت الحدوته
ورجعتي زى زمان
والباشا فيكي باشا
وباشا ويا باشا
بينضربله سلام
وتوته بعد توته
ما تيخلي من حدوته
حدوته أه وحكاوي
كتير كتير تتقال
طلع الشهيد حرامي
وكمان هو إللى خان
وكمان هو إللى باعك
وكمان هو الشيطان
المسرح فيكي واسع
ومتقسمه الإدوار
دا دور ساحر ومعرض
ودا دور شيخ السلطان
وإحنا غلابه بنصدق
كتير كتير أمثال
كل ما تيجي تقومي
كتير كتير يقولولك
سمعنا فى الأمثال
إوعي تسيبي أديمك
وإللى يسيبه يتهان
عمر حاويكي أطول من عمرك
يبقى محال يتغير حال
نفس الفكره فى كل أيامك
ظلم وسجن لكل أحبابك
عدل مافيش دم رخيص
باشا وبيه وولاد إيه وإحنا عبيد
نفسي الحاوى يموت فى الحال
وإنت كمان موت معاه
يمكن ألاقي فى الدنيا مكان
يقبل أعيش فيه إنسان
شعر
على أبو السعود
ليست هناك تعليقات:
إرسال تعليق