احساس مر / على حزين /مؤسسة الوجدان الثقافية

 قصيدة..

احساس مر

بقلم / على حزين

لما تحس انك مكسور

انك مقهور وانك صفر

وانك مجبور تمثل نفس الدور

والدور مش دورك

لما تحايل في الأيام لأجل تمر

وانك مسجون في سجن كبير

أو متقيد وأنت الحر

وانك قلقان أو مضطر

إحساس قاسي .. إحساس مر

..... ..... ....... ...........

لما تحس انك بينك وبين الحب بحور

ومليون جدار، مليون حيطة وسور

يحجبوا عنا سرور

وقلوب ميلانة غش وزور

ولا بتفرِّق بين ضلمة ونور

ولما يسألوك تقول لهم بخير

وأنت جواك إحساس قاسي

وإحساس مر

..... ..... ....... ...........

لما تحس إنك مضطر

تضحك رغم القلب حزين

تمشي على الأشواك تتألم

وأنت زارعها حب وخير

في ربوعها تزرع ورد

إيدك للناس مادّة الخير

وتمد الإيد لكل الناس بالخير

ويتردّ لّك منهم نكران وشر

أكيد إحساس قاسي ومر

..... ..... ....... ...........

لما تحس إنك وحداني

جوة التيه دايماً بتدور

تدور على المقدور

ضد التيار ، ضد الريح

وتجاري الليل لأجل ما يجي عليك النور

تلبس توب لكن مش توبك

وتحس انك سر

وتمشي جوا بلاد الله سواح

تبيع للناس الأمل ، والحلم

وتوصف لهم كيف الصبر

وتوصف للناس كيف الجنة

وانت عايش في النار

أكيد احساس قاسي

وإحساس ومر

..................................

تمت مساء الجمعة ٧ / ١٠ ٢٠٢٢

على السيد محمد حزين ـ طهطا ـ سوهاج ـ مصر