الحرقة
وبرة هربنا في شقف
ماهو الموج ياكلنا
ولاّ حتى كي وصلنا
رانا في قفص
يا ناس الغربة تظلمنا
الشقف شقّ البحر
والنّورس يا يمّا
شاهد ع الصّوت والغرق
ولا ثرنا يا يمّا
هذي العيشة ترجمنا
لا مال ولا ذهب
لا سكّر ...لا حبق
العمر ضاع منا...
تلهينا يا ناس في حكايات صغار
ونسينا الأشغال...
وبكّاتنا الأقدار...حالة إعصار
حرقوا م الأبحار
دموعهم عل الأشفار
رجال مع نساء...يا يمّا
عندهم ألف سبب
وصغار في شقف ...
في البحر آش صار...؟
ماتوا يا ستّار
ونساتهم الأقدار
وإذا وصلت ع البرّ
ما تنام اللّيل
تحاصرك الأعوان
وتتخبّى في حفرة
وتصير مدان ...لا ذهب و لا مال
وتضيع الأعمار
بين هربة ودمار...
تلهينا يا ناس في حكايات صغار
ونسينا الأشغال
ومستقبل البلاد ...ومشاريع كثار
تغلبنا يا يمّا
المعيشة غلات والزّوّالي مات...
تتفكر ...تتفكّر كيفاش
هذي الحرقة علاش...
ما نضيّع مشوار
نبني ذاتي بذاتي
ونغيّر أقدار
وملاين حق شقف نعوّضها بجمر
نخدم حتّى نمرّ
من الفقر والشّرّ
ما نحرمشي أمّ من خيري في شهر
وما نقتلشي صغير
في هربة وبحر ...
وما نغصرشي روحي
رغيف وتمر
وصغاري كيف القمر
نكسّر في بلادي الحجر
وما نعيشش الذّلّ ونتحقر
عام وراء عام
تتغيّر الغصرة...الحرقة مافيهاش
غير مرارة وجمرة....
حميدة بن ساسي
ليست هناك تعليقات:
إرسال تعليق