●●●●●●● أراجوز ●●●●●●●
أراجوز . وضحكة . بوجع
هنقولها . ع الماشي
والضحكة . جايبة . البكا
أصل الكلام . قاسي
ملعونة . أرض . الشقا
واللقمة . بمآسي
أراجوز . وديما كلمته
ضحكة . تفرحني
بتقولها .حتة خشب
وسعات . بتنصحني
معرفش . إن الخشب
تحته . آلام . تحني
واللي . في ايده . الخشب
تحت الغطا . محني
والاااآه . بصوت الوجع
بتقولها . حتة خشب
أسمعها . تضحكني
ونسينا . إن الخشب
له قلب . شاف العجب
ومن كتر . نوم التعب
دمعه . سبب . فرحي
رفعوا . الستار . واتكتب
أراجوز . والكل . مستني
دي ياعم .حتة خشب
ترقص . وبتغني
وصاحبها . تحت الخشب
ولا شوفته . ولا شافني
سمعنا . صوت الخشب
وبصوته . ضحكتني
ودموعه . صوتها . اتكتم
ولا عمره . حسسني
والإسم . قال . أراجوز
والباقي . مش معني
●●●●●●●●●●●●●●
المهنة أراجوز ولكن خلف الستار إنسان غارق في هموم الدنيا
تخفيها ستار يجلس خلفها تتساقط دموعه ونحن جميعنا
نضحك حينما نرى تلك الخشبة تتراقص وتتمايل أمامنا ولا
يهمنا من أين يأتي هذا الصوت ومن صاحبه في النهاية هو
بالنسبة لنا ما هو إلا ( أراجوز )
كلماتي / شاذلي محمد عبدالرحمن حسين
من ديوان / آلام مخفية
ليست هناك تعليقات:
إرسال تعليق