( الوشوش مابقتش هي )
الوشوش مابقتش هي والقلوب متغيره
والدنيا بتمرجح فينا ونفوسنا متحيره
حتي الأسامي صبحت اسامي من غير معني وقُصيٌَره
والاماني اللي اتمنيناها من طمعنا متبعتره
والاحلام اللي حلمنا بيها صحينا ولقيناها متبخره
والسنين آه م السنين فاتت وعدت من سُكات
واللي راح من عمرنا راح وصبح ذكريات
وصبحنا عايشين ومش عايشين
وبين رحايا الطمع مدهوسين
ياهل تري ايه اللي حصل لينا
وايه اللي جري فينا
الزمن هو هو واحنا اللي فيه اتغيرنا
وراح جوانا الأمان ايوه راح.من زمان
لما راح الرضا بقينا خايفين من بكره
وانشغل بالنا بإيه تاني.معانا راح يجري
وصبحنا عايشين ع الدنيا ملهوفين
اللي يظلم واللي يغدر واللي يجرح
واللي يبات علي خدوده دمع العين
والحب غاب عن القلوب وراح من غير رجوع
والأشواق تاهت عننا والحنين صبح حزن ودموع
لاحد فينا عايش وراضي بحاله
ولا حد مننا صابر علي اللي جراله
خواطر ( اشرف الدغيدي )
حقوق الملكيه محفوظه
ليست هناك تعليقات:
إرسال تعليق