مقتطفات من قصيدي المطول: مش للبيع
هذا الوطن مش للبيع ماناش بايعينه
حب الوطن ما يضيع في الجاش دافنينه
هذا المصان المنيع. واحناي ساكنينه
ماناش بل و نجيع بر العشب سارحينه
احنا رجال و نسا مطابيع. لا بعنا ولا خاينينه
هذا الوطن بر الاحرار. كيفاش نرضى نبيعه
كيفاش يهون للنار كيفاش يطفى ربيعه
و مهما انكشف خنار. مانريد ليه ڨطيعة
و لو فيه عشنا اكدار هذا انكتب بالطبيعه
و فيه الاهل والدار وفيه الامان و السكينة
هذا الوطن مش للبيع ماناش بايعينه
هذا الوطن ماس و كنوز واحنا ملكنا اسراره
هو دار و الخير مركوز واشكون يبيع داره
كان الي رڨد معنوز والي جنو افكاره
هذا الوطن در مكنوز الأحرار كانزينه
هذا الوطن مش للبيع ماناش بايعينه
هذا الوطن حڨ مكسوب مانيش ناوي نسلم
خلوه عهد مكتوب من غير ما نتكلم فون
و حڨ الي خلڨ الڨلوب. هالڨلب ليه مسلم
هذا حساب محسوب الحجر منه تكلم
لو عاشڨ الوطن مذنوب أناي أكبر مجرم
و العڨل فيه مسلوب و الڨلب عنده رهينه
هذا الوطن مش للبيع ماناش بايعينه
فاطمة بركون/ تونس 
بمناسبة عيد الجلاء
ليست هناك تعليقات:
إرسال تعليق