من فضلكم بقلم احمد شاهين
عايز مخده عليها أنام
واشوف عليها أجمل
احلام
وعايز قلب أه يحزن
بس ف ثوانى بيصفى
أوام
عايز أحس براحة البال
شغال أنا أو مش شغال
وجرحى محبوس جوايا
لو حد قاللى إزى الحال
بقول فى نعمه واضحك له
والحمل فوقى يهد جبال
عايز أعيش
كطير بريش
دى ما تساويش
الدنيا يا خال
أقول لكم من فضلكم
حلوه الحياه بقربكم
من غير طمع
من غير أموال
خلونا نرجع زى زمان
بيْنا الدفا حاسين بأمان
والرزق كله يبقى حلال
والكل راضى
مشغول وفاضى
دا الكل ماضى
واخد معاه بس الأعمال
كلمات احمد شاهين
ليست هناك تعليقات:
إرسال تعليق