الاسم ناهد ابراهيم احمد
ملك الحب
لاأنا ملكك ولاملكي
إحنا ملك الحب
لادا قلبك ولاقلبي
إحنا لاتنين قلب
حبنا فوق السحاب
قلبنا بهوانا طاب
واللي يجرح في قلوبنا
قلب واحد فينا غاب
بين بحور الحب ساير
الهوا بين الضفاير
والنسيم بيمر بينا
والسعادة ف قلب طاير
حبنا فوق العذاب
لويجرحنا الغياب
ود خالص قلب صافي
الهوي جوه القلوب
بكرة يحلا يبقي أحلي
لولنا لاتنين يادوب
دااللي مكتوب في الكتاب
يالهوي بنرجع شباب
صوت حبيبي جميل وساحر
صوته يسكن في المشاعر
بالقي روحي عايز أغني
وف جميع الكون بسافر
صوت يضيع الضباب
تبقي صافية بيه السحاب
قدإيه الدنيا جميلة
وإنت ويايا في خميلة
بانسي أى صعاب تجينا
وننسي حاجة مستحيلة
والربيع فوق الهضاب
والموسيقي ع الرباب
صافي قلبك صافي ليا
والهنا داكتير عليا
نسيت ليالي غربة فاتت
بالليالي الحلوة جايه
وانتهي حلم السراب
بالفرح بعد الغياب
لاأنا ملكك ولاملكي
إحنا ملك الحب
قلم ناهد ابراهيم احمد
ليست هناك تعليقات:
إرسال تعليق