شبك حروفك يا قلم
وأكتب حكايتك
وحكاية إنسان
عوده من القهر إنحنى
أكتب كلام محبوس
في زنزانة يأسك
أو حتى قوول يأسنا
شبك حروفك
واكتبني أنا
أنا اللي كنت هناك...
وانا اللي أنت شايفه
بعنييك هنا
شبك حروفك
هو لضم الحروف
في جملة مفيده مشكله !
هو أنت يعني هتعيش
أكتر من اللي كاتبو ربنا !
وقد إيه هتعيش
أيام.....
شهور ....
كام سنه........!
إتكلم قول حكاية حرف
لما حطوا لحلمه سقف
وقِف عوده دِبل
إترص جنب الحيط
زي عيدان الدُره يبس وجف
الريح بيها أستخف
سوس واتنخل
ومات من المسكنه
واللي يموت في دنيانا
الفانيه.... الفاتنه
يصبح تراب
والتراب دايس عليه
أبو رجلين نضيفه
وابو رجلين و .... ومعفنه
أكتبني أنا
أوعى تكذب
وتعيش المرحله
أوعاك تدور على
على إعجاب
أوحتى منزله
أكتب يا قلم
إكتب النص اللي دايماً
تحت سن المقصله
النص اللي دايماً
متهم
ومنتقد من أول نقطه
إلى آخر سطر وآخر فاصله
حلاوة الكتابه
بره الدايره
بره الدايره المقفوله
والمقبوله المستسلمه
كرهت الوزن والقافيه
وقوالب الضم والنصب
والدوزنه
كرهت صدى الكلمه
المحسوب
بالمازورة والمسطره
الكلمه نور ونار وجنه
و أحلى منها الكلمه
الممنوعه المُحرمه
أكتب يا قلم
أكتبني أنا
أكتبني إن حبيتني
وان كرهتني قولي ...
أمشي غور من هنا
هاسيبك وانا راضي
هسيبك
وانا آااخر سلطنه
تسلموا...
إسماعيل هريدي
ليست هناك تعليقات:
إرسال تعليق