قصيده بعنوان
(لله.؟؟؟؟؟!)
فى خلقه شؤون.
خلق فيهم
كل العجايب.
فيهم الكريم.
الأصيل المأصل.
وفيهم إل فيه
كل العبر.
وعلى الهايفه
ديما بيعايب.
ومنهم إل الفقر
حاوجو للندل
رغم إنه فى
الحقيقه جايز
قرايب.
وتلاقى إل الحظ
ضاربه.
وبانى برجين تلاته
وأصله عويل
وخايب.
سبحان من خلق
خلقه وجعل فيهم
كل العجايب.
وتشوف واحد طول
عمره عاصى
وموذنب.
والنهارده شيخ
مفتى وتايب.
وتحب واحده.
طول عمرك
مع إن رمانها
معطب وطايب.
والعالم فينا الجليل.
مهمش.
والأمعه له رأي
صايب.
الناس الهبل.
تسمع له.
ويفرضو على
كلامه ضرايب.
سبحان من خلق
وأبدع فى خلقه
وخلق فيهم
كل العجايب.
والشقيان إل ديما
بيعافر يادوب
يأكل ولاده.
وإل نايم على
عقال جمله.
فلوسه تعبى
زكايب.
العلم ضاع
وضيعوه بينا
والجهل أصبح
شطاره.
الدكتور تلاقيه
بيطبل.
ومهندس بينفخ
بمزمار ورا
رقاصه وحبة
كحايب.
والحره قلة حياءها.
ولسانها برميل
سبايب.
وراجل مشكوك
فى أمره
بيحب واحده
فى سن بنته.
روميو قال إيه
ودايب.
سبحان من خلق
خلقه وخلق
فيهم كل
العجايب.
112/2021
ترنيمات وخواطر. بقلم)
خيرى حسنى...............)
ليست هناك تعليقات:
إرسال تعليق