...مرسول الحب.....!
يا الرايح في وقت الغروب
ؤ موجه سيرو لعند بلادي
بالله عليك مبغيت كذوب
مبغيت جواب يتير عنادي
شفت لعرق ولمشي مزروب
عرفت لبلاد للي ليها غادي
فجهة لغرب عندي محبوب
شمالو واد و يمينو جرادي
گولو بلشواق راني مغلوب
وبهم لفراق ما طاب رگادي
ما هو حماق ماني مجدوب
ماني مجنون نطلب جوادي
وقت لغيبة عندي محسوب
همي لحبيبة ؤ قوت ولادي
مع حر لشواق مينفع هروب
عربون لمحبة ورث جدادي
رلحب و لوفا يجمع لقلوب
ولغذر ما خفى بشرو يعادي
يا الرايح في وقت لغروب
ؤموجه سيرو لعند بلادي
كلام بعطر لحبق مكتوب
وصلو بلامان وكون سنادي
بقلم/هبولة عيسى..
ليست هناك تعليقات:
إرسال تعليق