صورة وحرف ،،،،، بقلم الشاعر/محفوظ البراموني

صورة و حرف  ..

يااااااا   دنيا ..

نعمة الغلبان ..

إنه دايما شبعان ..

زي عم شعبان ..

هو  ..

إللي طول عمره ف حياته  قنوع ..

طول ما النعمة ف أياته ما يجوع ..

و لا يهمه  ..

الأكل كله من أي نوع ..

ما تفرق  معاه  أي دموع ..

دايما شبعان و لا ميت من الجوع ..

يا دنيا  ..

عم شعبان ..

قدامه ورود حتى لو الأمل مصنوع ..

ما  يهمه وجود حتى لو عاش مخدوع ..

أصل مفيش خلود ب  ما عاد رجوع..

حتى  يا دنيا   ..

لو الضحكة منك صفرة  ..
ب صفار متصفر ب إصفرار  ..

ك إنها حفرة ..
ب حفار متحفر  ب  أقدار ..

إوعي  ..

تفتكري هاتهزميه ..

أو تحاولي تجرحيه ..

طول ما محافظ ..

ع النعمة و حافظ ..

إن الرزق من عند الحافظ ..

رب الخلق الرحمن  ..

دايما مع  ..

الغلبان ..

الشقيان ..

التعبان ..

عليهم دايما  الله حافظ ..

عايشين ف أرض الأمان ..

يا دنيا  ..

عمرك ما هاتهلكيهم ..
ب الدمار ..

و  لا  ..

عمرك      هاتكويهم  ..
ب النار  ..

و  لا  ..
ب دراعك  هاتلويهم ..
ب إنهيار  ..

أبدا  مش هاتكسريهم ..
ب إنكسار ..

يا بلاد  الظلم ..

كفاية بقا دم ..

خلينا نعيش ..

من غير غم ..

و ناكل عيش ..

من غير ذم ..

و القتل و الخراب مفيش ..

و حلاوة السلام تعم ..

يا دنيا  ..

ف كتير من عم شعبان الغلبان شايل عيش  ..

  نفسهم بس ف الدنيا  يحسيوا ب العيش  ..

  معدتهم قنوعة مش     عايزة غير العيش ..

لا طمعانين ..

دايما شبعانين ..
مش جاعنين  ..

ب القناعة عايشين ..
ب الحب متواجدين ..

ب الطيبة طاهرين  ..
ب النقاء صافيين  ..

ب البهاء  منوريين ..
ب الأخاء بني آدمين ..

خلي بالك منهم يادنيا ..
يا ست الحلوين ..
دول ناس ريحتهم ياسمين ..

هذيان قلم :
: محفوظ البراموني :